Testament Bohusza Bohatynowicza
Historia Koszel Mapy Cmentarz w Koszelach Położenie Koszel Okolice Koszel Ciekawostka Rękodzieło Kontakt Mapa strony
Testament Bohusza Bohowitynowicza

Духовная запись старосты Слонимского и Каменецкаго Михайла Богуша Боговитыновича


       Во имя Отца и Сына и Светого Духа. Я рабъ Божій Михайло Богуш Боговитыновичъ подскарбіи земскій Великого князтва Литовского, моршалокъ и писар господара его милости, староста Слонимскій и Каменецкій, чиню и пишу сесь тестаментъ своим целым умомъ и полнымъ розумомъ никимъ не намовенъ а ни принуженъ; бо безъ того света безъ писма всякая речъ съ памяти выходитъ, а писмомъ ся потвержает и справуетъ. А так я Михайлъ Богушъ полецаю душу свою Господу Богу Вседержителю, и пречистой его Богоматеры, и светому Іоану Богослову и светому чудотворцу Хрыстову Николаю, и светому архангелу Михайлу и всем святымъ; а потом уставляю опекальники, то естъ акзекуторы, душы моей жоне и детямъ господина и добродея моего пана Олбрахта его милости Мартиновича Кгаштолта, воеводу Виленского, канцлера В. Князтва Литовского старосту Бельского и Мозырского, а пана Алесандра его милости Ивановича Ходкевича, маршалка господара его милости, старосту Берестейского, Вилькеского, Острынского; а шурина моего князя Федора Сенгушковича, старосту Володимерскаго, а пана Ивана Богдановича Сапегу маршалка господарского, воеводу Подляшского, а бурсников моихъ старых пана Коптя Васильевича, маршалка и писаря господарского, державцу Медницкого и Перевальского, а пана Ивана Горностая маршалка и писара господарского, державцу Дорсумитского; а братью мою рожоную пана Войну а пана Ивана Боговитиновичовъ а жонку мою Федку. Естм Богъ милый душу мою съ телом розделитъ, они мают тело мое грешное послати до Кіева до манастыра светое пречистое Печерское, а тамъ его положити, и проводъ вчинити и сорокоустъ годовый и вписъ вечный дати, как естъ обычай и встава церковная, а потом по всимъ церквамъ соборнымъ великого князства Литовского сороковусты годовыи и вбогимъ на елмужну давати; а мало бы было тыхъ пенезей, ино збожъе продавати, и платы зъ именій моихъ на осень прійдутъ, тым то по души моей справовати. А на будованье в у Вильни Светое Троицы двесте копъ грошей; а образъ Светого Николы тыми золотыми. што у въ образа его светое милости, ризу его оковати и засе поставити на его светомъ местцы у Витулине; а над гробомъ моимъ образъ поставити светого Антонія и Феодосія сребромъ оправлены. А штомъ жоне моей Федце записалъ на именьи моемъ на Яблицне тысячу коп грошей, ино я и теперъ тымъ моимъ тастаментомъ тую тисячу копъ грошей записую ей на именьях моихъ на купленыхъ на Яблицна, на Словатичохъ, на Долгобородахъ; маетъ она тыи именья въ той суме до живота своего держати, а по животе своемъ межи дочокъ своихъ, котороя ся ей налепей увидитъ, або кому иншому, кому ее воля будетъ, тую суму записати и ку своему лепшому а вжиточнейшому обернутся, а поки дочки мои за мужъ выдасть, маетъ она на всихъ именьях седети и платы сбирати и тыми платы душу мою поминати. А дочкамъ моимъ тремъ по пяти сотъ золотыхъ черленыхъ и по четыреста коп грошей. А старшой дочце моей Ганне ланцухъ мой великій, што отъ цесара, триста золотыхъ, а ношеніе, што у Вильни роблено, двесте золотыхъ, а дворы мои Семятичи а Орляя со всимъ, а рукомыи меншіи сребреныи, а две мисе сребреныхъ великихъ и третий палумисок сребреный, а чатыры талеры сребреныхъ, а домъ мой въ месте Виленскомъ пана Федковскій. А дочце моей Федорце замок Озерница съ двема дворы съ Близною съ Промязы, а рукомыи ей большія сребреныи, которыи самому вважатъ на полъ третьяста копъ грошей, а ланцухъ плетеный, сто золотыхъ, а къ тому ношенье съ каменьев и съ клейноты. А меншой дочце Ульянце именья мои вси Волынскія, кроме данниковъ моихъ отчизныхъ Кутлянъ, бо тыи данники мои Кутляне записую братаничу моему сыну меньшому пане Войничу Федорку на веки вечныи; а дочце моей Ульянце противку тыхъ рукамыи двадцать гривенъ сребра нероскованого, а ланцухъ зъ рожами што въ Прешпорку роблены; а золотыи перстени, святости всемъ имъ еа трое розделити. А што отъ цесоря мамъ три кубки, то имъ дочкамъ моимъ напередъ дати по кубку цесарскому, а дочце моей Ганьне большій кубокъ; а монисто коштовное, што въ золотомъ инкирику, то имъ на трое разделити, и имшім святости и вси речи, шаты, перша бромованый и златоглавовыи, а мои шаты то имъ на трое разделити. А за томъ инкирикъ золотый Юхну вжэ дано сорок копъ грошей а остатокъ бы доплатила золотый по полукопъю и по шести грошей; а которая святость въ томъ инкирику была, тую святость засе Юхну отдати. Господину моему пану Кгаштолту его милости кубок сребреный съ виниктопъ, у Витебленина купилъ. А пану Александру его милости Ходкевичу кубок сребреный штомъ въ жида пана Ильиничовъ купилъ. А шурину моему князю Оедору шуба аксамиту чорного съ пугвицами позлочистыми а подъ истодъ шубка одомашки мерленое на золоте, што отъ пана Заберезынского. Пану Ивану Сапезе саянъ мой табуну бурнатного. Пану Коптю пану Горностаю по коню; а князю Ивану Полубенскому шуба моя табиновая чурленая, белками подбита. А братьи моей пану Войне а пану Ивану по кубку гладкому, штомъ былъ едучи къ Москве купил два у одну форму. А остатокъ сребра моего кубковъ, ковшовъ, рострухановъ, чарок, роскованого, въ сабляхъ, въ ложкахъ и въ иншихъ речахъ, то маетъ все зважоно быти; жона моя Федка маетъ то на чотыры части розделити: собе мает часть взяти, а дочкамъ по части дати. А рызница вся до церкви Озерницкое дочце моей Федорце.


      А господарю моему Жигимонту королю послати тридцать карябельниковъ, а валахъ лепшій; а къ тому его милости отступить застовы и поклоды на замки; а особно даткомъ его милости самому и на потребы его милости даломъ его милости вышей пяти тысячей грошей; его бы милость господаръ рачилъ то пометати жоне и детямъ моимъ, и моей верной выслузе, и в купли жоны и деток моихъ не рачилъ бы его милость рушити, и водле привильевъ своихъ рачилъ бы его милости заховати. А манастыръ светаго Бориса и Глеба в Городне и зъ дворцомъ и зъ людьми привлащаю къ рукамъ господарскимъ. А ласкою Божею не должонъ если никому ничимъ, а мне тож нихто ничимъ не должонъ. А мней вси речи рухомыи, што кольвекъ есть, все поручаю жоне моей Федце; она ведаетъ, как маетъ дочки наши отправовати и имъ давати, за кого имъ Богъ судитъ поити. А челедь невольную по всимъ своимъ дворамъ всихъ на волю выпускаю, абы жадная по животе моемъ в неволи не была. А стадо мое Семятицкое дочце моей Ганьне, а Каменецкое Федорце, а Промезское Ульянце.


      А слугамъ моимъ абы отправу дали водле которого стану. А при томъ моемъ тестаменте были и тому добре сведоми: духовникъ мой свещенникъ Солонимскій светое пятницы Кузма, а дверене господарскія, панъ Стецко Славута, а Григорей Воловичъ, а Еско Чалиу А на остаток тыхъ всихъ речей прошу про милый Богъ господина моего пана Кгаштолта его милости и пана Александра, а при ихъ милости всихъ тыхъ аксекуторовъ вышэйписаных, абы напередъ душею моею печаловалися, а потомъ жону и дети вопеце и въ вобороне свей мели. А для лепшого сведомья и твердости того моего тестаменту чоломъ билъ и просилъ есми господина и отца нашего митр. Кіев. и всея Руси Іосифа, и господара моего пана Кгаштолта его милости, а пана Александра его милости, а шурина м. кн. Федора, а пана Коптя, маршалка и писара господарского, абы ихъ милость къ таму моему тастаменту печати свои приложили; и ихъ милость но чоломбитье мое то вчинили, печати свои къ тому тестаменту приложили; а для лепшое справедливости я тежъ Богушъ печать свою всыкнета моего, которого завжды на пальцы своемъ носилъ къ нему приложилъ.

   Писанъ у Слониме, лета Божьего Нароженья тысеча пять сотъ двадцать девятый, месяца ноября вторинадцать день, индиктъ четвертый.

    Лит. Метрика (Зап. кн. XIX, л. 90-92 об)
    Акты, относящіеся к исторіи Южной і Западной Росии..., т. 1. СПб 1863, с. 75-77, 1529, лист 12.


Źródło:Orla na Podlasiu Dzieje Cerkwi miasta i okolic

Wstecz
Historia /Mapy /Cmentarz /Położenie
Okolice /Ciekawostka /Rękodzieło/Kontakt/Mapa strony