PRZYWILEJ WYDANY 23.07.1507R
Historia Koszel Mapy Cmentarz w Koszelach Położenie Koszel Okolice Koszel Ciekawostka Rękodzieło Kontakt Mapa strony
Przywilej wydany 23.07.1507R

PRZYWILEJ WYDANY 23.07.1507R.
JAŚKOWI IWANOWICZOWI NA CZTERY ŹREBIA,
ZWANE KOSZELOWSKIMI, Z PRAWEM ZAŁOŻENIA NA NICH MIASTA


    Во имя Боже, амин. Мы, Жигимонт, з ласки Божес король польский, великий княз литовский, руский, княжа пруское, жомойтски и иных пан и дедич, чиним знаменито сим нашим листом, хто на него посмотрыт або чтучы его вслышит, нынешним и потом будучым, кому будет потреб того ведати.
    Бил нам чолом писар воеводы троцкого, пана Миколаев Миколаевича, Еско Иванович и клал перед нами прывилей брата нашого Александра, короля его милости, в котором жо привилею выписано, штож его милость дал ему войтовство в Бельском повете на чотырех жеребех Кошелевских, а на других двух жеребех земли Вервечичских и на лесе Топчикапьском, который ж земли и лес он поднял ся его милости на волоки розмерити и место людьми осадити прихожими, вольными, ку его милости пожиточному прывести. И который бы люди на тых жеребех осели, тым казал его милость волю дати подле обычая тамошнего, а выседевши волю тые люди мели его милости давати плату с каждое волоки на год по золотому, а по два корсы овса, а по гусяти, а по двою куров, а по тридцати яецъ, а один день в неделю службу тяглую служыти.
     А мели с каждое волоки службу служыти и дачки давати по тому, как и по иннымъ местом нашимъ тамошним люди з валок службу служать и подати дають, а ему мела быти со всихъ тых волок десятая волока со всими платы и пожитки, и колко бы мело быти тых десятых волок ему ся достати, тые вси волоки дозволил его милость ему посполу мети к одной стороне, где бы он собе въсхотел. А къ тому выписано в том прывилею брата нашого ему третий пенезь с присуда. А мел он с того службу земъскую заступовати по тому, какъ иные войтове местъ наших тамошнего краю службу земскую заступають. А дал был его милость ему тое войтовъство на вечность. И по ведил перед нами Еско Иванович, штожъ дей его милость братъ нашъ зася тую Топчикалскую взял къ своей руце и дал Петру Фурсу, ему зоставил толко тые вышеписаные люди, чотыри жеребъи. И бил нам чоломъ Еско, абыхмо то потвердили ему нашимъ листомъ.
    Ино в тот же час пан Миколай Миколаевич, воевода троцкий, к нам за ним причинил ся, абыхмо с тое данины брата нашого Еска не рушипи.
     И мы выслухавшы того привилея брата нашого Александра, короля его милости, и на причину пана воеводы троцкого, то вчинили: при том таки есмо его зоставили и потвержаемъ то сим нашимъ листом, вечно ему и его жоне, и их детемъ и напотомъ будучим их щадком, и его ближним. Мають они тые вышеписаные чотыры жеребъи держати со всими людми и их всими землями пашъными и бортными, и зъ боры, и лесы, и дубровами, и зъ гаи, и ляды, и зъ лядищи, и съ хворостъники, и с сеножатьми, и с болоты, и с озеры, и зъ реками, и зъ речками и их потоки, и зъ езы, и зъ ставы, и ставищы, и съ сажевками, и зъ млыны и их вымелки, и зъ зеремены, и зъ бобровыми гоны, и со всими платы и доходы грошовыми и медовыми, и бобровыми, и куничными, и со всякими иными поплатками и податьми, которым-колве именем могуть названы або менены быти, со всим правомъ и пожитком и со всим с тымъ, как ся тые люди и их земли зъ стародавна в своих границах мають, ничого на нас и наши наследки не оставляючи, нежли маеть нам с того именя своего службу земскую заступовати поспол з ыншими земяны белскими водле въставы и вхвалы земское. А державцы белские не мають людем Белского повету заповедати ани боронити до млыновъ его зъбожя возити ко мливу, и в тыи его люди и земли их и ни в которыи платы и пожитку не мають ся ни во што вступати. И волен он и его справедливые наследки тые вышеописаные люди и земли отдати, продати, заменити, розшырити, к своему вжиточному и лепшому обернути, как сами налепей розумеючы. А на твердость того и печать нашу казали есмо привесити къ сему нашому листу.

    Писан у Вилни, в лето 1507 месеца июля 23 день, индикт 10.


Źródło:Dzieje miejscowości Reduty i Szernie we włości orlańskiej.str.353-354
Autor: o. Grzegorz Sosna i m. Antonina Troc-Sosna

Wstecz
Historia /Mapy /Cmentarz /Położenie
Okolice /Ciekawostka /Rękodzieło/Kontakt/Mapa strony